Ainda que os nosos equipos non foron quen de conseguir o título, a imaxe mostrada foi excelente e os nenos competiron de ti a ti en todos os seus encontros e fixeron vibrar a todos os que acudiron á cita coruñesa.
En categoría Benxamín (4º de Primaria) a piques esuvieron os de Anxo e Roberto de meterse na final polo título. Tan só a fatídica quenda de penaltis afastou aos nosos de loitar polo campionato. Durante os 30 minutos de xogo moita igualdade fronte aos Franciscanos de Lugo. Na primeira metade David Pardo adiantou a La Salle logo de culminar de xeito brillante un man a man co porteiro… Antes do tempo de lecer o cadro lucense empataría logo dun saque de esquina. Na reanudación, unha gran galopada de Alberto foi culminada por Álex para poñer de novo en vantaxe ao cadro lasaliano. Sen embargo, antes do final, de novo Franciscanos puxo as táboas. Na xa comentada, quenda de penaltis non houbo fortuna e os nosos víronse abocados á loita polo 3º e 4º posto. Paradóxicamente, neste encontro as penas máximae sí estiveron de lado dos de Anxo e Roberto que foron quen de acadar o 3º posto. O encontro, que os enfrentou a Peleteiro, foi moi igualado… Peleteiro adiantouse no marcador e despois de moitas alternativas no xogo Álex, a dous minutos do final e logo dun balón solo no área fixo a igualada. O propio Álex, Pedro e Hugo, certiicaron na quenda de penaltis o 3º posto, sen olvidarnos de Xoel que detivo o decisivo.
En Iniciación (2º de Primaria) os dous equipos fixeron un gran papel. La Salle “A” acadou a final despois dun emocionante encontro fronte a La Mercé de Lugo. O encontro púxose costa arriba en primeiro lugar polo balón co que se xogaba a competición, máis propio do voleibol que do fútbol; en segundo lugar polo acerto do contrario que atinou primero na porta de Valentino. O propio balón e o seu bote xogáronlle unha mala pasada ao porteiro lasaliano no 2º tanto. Na reanudación, de novo La Mercé fixo o terceiro nunha xogada illada. A partir de aí, aos nosos non lles quedeou máis remedio que virse arriba, queimando todas as naves e así foi como Luis, con catro tantos lle deu a volta dun xeito incrible a un partido épico. La Salle “B” topouse nas semifinais cun gran Liceo, O anfitrión non deu opción aos nosos aos que lle endosou un claro 5-0. Ainda que os de Eloi o intentaron desde o comezo e incluso chegaron a facer un pao, o encontro acabou do lado locatario. Sen embargo, a loita polo 3º posto foi outra historia. De novo fronte a La Mercé de Lugo, La Salle “B” pasoulle por riba ao equipo da cidade das Murallas endonsando na final un claro 5-3. Pablo Pío en dúas ocasión, Raúl Mateo, Manu Mosteiro e Iago golearon, acadando así un meritorio 3º posto. Na finalísima, La Salle “A” enfrontouse ao intratable Liceo. A pesar de aguantar a primera metade ben e con opcións, na segunda o Liceo veuse arriba e acadou un xusto triunfo. Sen embargo, non hai que restar méritos aos nosos equipos pois deron unha grandísima imaxe. Noraboa a todos os particpantes e aos sus pais que aguantaron estoicamente toda a xornada: Valentino, Mateo Vázquez, Enzo, Álejandro Rey, Luís, Victor, Xoán, Raúl Pardo, Anxo, Mauuel Mosteiro, Manuel Rey, Pablo Pío, Raúl Mateo, Iago, Mateo Cao, Xoel, Juan, Pedro, Alberto, Alejandro Ballesteros, Hugo, Rubén, David e Jorge. Tamén noraboa aos adestradores Eloi, Anxo e Roberto polo seu traballo.
Foi de novo, unha gran xornada de convivencia, onde os nosos pasaron un gran sábado na compaña dos seus amigos e practicando o deporte que máis lles gusta. Por detrás do Liceo, o clube con máis representación e con maiores éxitos foi o noso cun campión, un segundo, e tres terceiros. Para o ano que vén, esperamos repetir estes éxitos e seguir vivindo xornadas tan bonitas como estas.
Equipos de 2º posando co seus trofeos
Equipo de 4º posando co seu trofeo
